Contact Us

info@jamiat.org.in

Phone: +91-11 23311455, 23317729, Fax: +91 11 23316173

Address: Jamiat Ulama-i-Hind

No. 1, Bahadur Shah Zafar Marg, New Delhi – 110002 INDIA

Donate Us

JAMIAT ULAMA-I-HIND

A/C No. 430010100148641

Axis Bank Ltd.,  C.R. Park Branch

IFS Code - UTIB0000430

JAMIAT RELIEF FUND

A/C No. 915010008734095

Axis Bank Ltd.  C.R. Park Branch

IFS Code-UTIB0000430

فتوی پر پابندی کا معاملہ : سپریم کورٹ میں جمعیۃ علماء ہند کی عرضی داخل

September 4, 2018

کسی کو اس کے مذہبی معاملات میں رہ نمائی حاصل کرنے سے روکنا سراسر بنیادی حقوق پر حملہ : مولانا محمود مدنی 


نئی دہلی۔4ستمبر
فتوی سے متعلق اتراکھنڈ ہائی کورٹ کے فیصلے کو چیلنج کرتے ہوئے جمعیۃ علماء ہند نے آج سپریم کورٹ میں فوری اسٹے کی عرضی داخل کی ہے ۔تنظیم کی نمایندگی کرتے ہوئے مولانا محمود مدنی جنرل سکریٹری جمعیۃ علماء ہند نے اپنی عرضی کہا کہ ہائی کورٹ کا یہ فیصلہ دستو ر ہند کی دفعہ 26اور وشوا لوچن مدان کیس بنام حکومت ہند میں بذات خود سپریم کورٹ کے فیصلے سے متصادم ہے ۔عرضی میں استدلال کیا گیا ہے کہ دستور ہند کی دفعہ 26(B) میں ہر ایک کو اپنے مذہبی مسائل میں خود کے انتظام کا حق دیا گیا ہے،لہذا اسے کوئی بھی عدالت ختم نہیں کرسکتی ۔ اس کے علاوہ ہائی کورٹ کا مذکورہ فیصلہ دستو رکی دفعہ 141سے بھی متصادم ہے جس کے تحت کسی بھی عدالت کو سپریم کورٹ کے فیصلے کے خلاف فیصلے کا حق حاصل نہیں ہے ۔
جمعیۃ علماء ہند نے عدالت عظمی میں اس بات کی بھی شکایت کی کہ ہائی کورٹ نے لشکر پنچایت کے فرمان کو ’فتوی‘سمجھنے کی غلطی کی ہے اور اس سلسلے میں صرف ہندی کے ایک اخبار کو بنیاد بنا کر فیصلہ دے دیا گیا ۔حالاں کہ اخبار کے مطالعہ سے یہ ظاہر ہوتاہے کہ وہ صرف پنچایتی فرمان ہے اور اس کا فتوی سے دور دور تک تعلق نہیں ہے ۔ یہ بات اظہر من الشمس ہے کہ فتوی کسی پنچایت سے نہیں بلکہ دارالافتاء یا کسی اہل مفتی کے ذریعہ ہی دیا جاتاہے اور اس کی حیثیت صرف پوچھنے والے کی شرعی مسئلہ پر مشورہ اور رہ نمائی ہے ، اس پر عمل کرنے کے لیے کسی کو مجبور نہیں کیا جاتاہے اور نہ ہی اس کی کوئی قانونی پوزیشن ہے ۔
جمعیۃ علماء ہند نے اس کے علاوہ بھی متعدد قوانین اور فیصلہ سے متعلق پس منظر کو پیش کرتے ہوئے سپریم کورٹ سے فوری اسٹے کی درخواست کی ہے۔ عدالت میں تنظیم کی طرف سے سپریم کورٹ کے وکیل شکیل احمد سید، ایڈوکیٹ نیاز احمد فاروقی ، ایڈوکیٹ عظمی جمیل، ایڈوکیٹ پرویز دباس نے عرضی دائر کی ۔
اس موقع پر مولانا محمود مدنی نے کہا کہ ہائی کورٹ کا فیصلہ انتہائی سنجیدگی کا طالب ہے،آپ کسی کو اس کے مذہبی معاملات میں رہ نمائی حاصل کرنے سے نہیں روک سکتے ۔یہ سراسر بنیادی حقوق پر حملہ ہے، اس لیے جمعیۃ علماء ہند نے فوری طور سے قدم اٹھاتے ہوئے عرضی داخل کی ہے۔ انھوں نے امید ظاہر کی کہ عدالت عظمی ہماری عرضی پر جلد فیصلہ کرے گی ۔  

 

Share on Facebook
Share on Twitter
Please reload

Recent Posts

August 9, 2017

Please reload

Follow Us
  • Jamiat Ulama-i-Hind JUH
  • Jamiat Ulama-i-Hind JUH